WhatsApp Update: வாட்ஸ்அப்பில் புது அப்டேட்! இனி இன்ஸ்டா ரீல்ஸ் ஷேர் செய்வது ரொம்ப ஈஸி

14

24

வாட்ஸ்அப் அப்டேட்களை வெளியிடும் WABetaInfo தளம் இதுபற்றிய தகவலைக் கூறியுள்ளது. கூகுள் ப்ளே ஸ்டோரில் கிடைக்கும் ஆண்ட்ராய்டுக்கான வாட்ஸ்அப் பீட்டா வெர்ஷன் 2.26.42.9-ஐ பயன்படுத்தும் சிலருக்கு இந்த புது வசதி கிடைக்கிறது.

சாட் அட்டாச்மென்ட் மெனுவில் உள்ள ரீல்ஸ் பட்டனை க்ளிக் செய்தால், இன்ஸ்டாகிராமில் நீங்கள் பார்த்த வீடியோக்களை அப்படியே வாட்ஸ்அப்பில் பார்க்க முடியும். சமீபத்தில் பார்த்த, சேவ் செய்த, மற்றும் லைக் செய்த ரீல்ஸ்கள் தனித்தனி டேப்களில் காட்டப்படும். அதிலிருந்து உங்களுக்குப் பிடித்த வீடியோவை செலக்ட் செய்து நேரடியாக வாட்ஸ்அப் சாட்டில் ஷேர் செய்யலாம்.

34

இந்த புது ஃபீச்சரை யூஸ் பண்ண, உங்க வாட்ஸ்அப் கணக்கை மெட்டாவின் அக்கவுண்ட்ஸ் சென்டருடன் (Meta Accounts Center) லிங்க் செய்ய வேண்டும். இன்ஸ்டாகிராம், ஃபேஸ்புக் கணக்குகளை வாட்ஸ்அப்புடன் இணைக்க விருப்பம் இல்லாதவர்கள், வழக்கம் போல பழைய முறையிலேயே ஆப்ஸை பயன்படுத்தலாம். ஆனால், அக்கவுண்ட்களை லிங்க் செய்யாதவர்களுக்கு சாட் அட்டாச்மென்ட் மெனுவில் இந்த புது ரீல்ஸ் பட்டன் கிடைக்காது.

மீடியா பிக்கர் தொல்லை இனி இல்லை

இப்போது வாட்ஸ்அப் வழியாக இன்ஸ்டாகிராம், ஃபேஸ்புக் ஸ்டோரிகள், போஸ்ட்கள் மற்றும் ரீல்ஸ்களை ஷேர் செய்ய வசதி இருக்கிறது. ஆனால், அதற்கு மீடியா பிக்கரை ஓபன் செய்து தேவையான கன்டென்ட்டை தேடிக் கண்டுபிடிக்க வேண்டும். இந்த புது ஃபீச்சர் வந்தால், அந்த வேலை மிச்சம். ரீல்ஸ்களை ரொம்ப சீக்கிரமாக கண்டுபிடித்து சாட்களில் ஷேர் செய்துவிடலாம்.

44

இப்போதைக்கு தேர்ந்தெடுக்கப்பட்ட சில ஆண்ட்ராய்டு பீட்டா யூசர்களுக்கு மட்டுமே இந்த ஃபீச்சர் கிடைக்கிறது. 2.26.42.9 வெர்ஷனை இன்ஸ்டால் செய்த எல்லோருக்கும் இந்த வசதி உடனே கிடைத்துவிடாது. படிப்படியாகத்தான் மற்ற யூசர்களுக்கும் இது கொண்டுவரப்படும். இந்த புது ஷார்ட்கட் எல்லா யூசர்களுக்கும் எப்போது கிடைக்கும் என்று வாட்ஸ்அப் இன்னும் அதிகாரப்பூர்வமாக அறிவிக்கவில்லை. பீட்டா டெஸ்டிங் முடிவுகளைப் பொறுத்துதான், இதை அனைவருக்கும் வழங்குவது பற்றி முடிவு செய்வார்கள்.

மெட்டாவின் ஒருங்கிணைப்பு உத்தி

வாட்ஸ்அப், இன்ஸ்டாகிராம் மற்றும் பேஸ்புக் ஆகிய மூன்று செயலிகளையும் ஒரே வளைகுடாவிற்குள் (Meta Ecosystem) கொண்டுவரும் மெட்டாவின் நீண்டகால திட்டத்தின் ஒரு பகுதியாகவே இந்த ஃபீச்சர் பார்க்கப்படுகிறது. பயனர்கள் செயலிகளை மாறி மாறி மாற்றிப் பயன்படுத்துவதைக் குறைத்து, ஒரே தளத்தில் அதிக நேரம் செலவிட வைப்பதே இதன் முக்கிய நோக்கமாகும்.