ஆந்திரா​வில் தடியடி திருவிழாவில் பெண் உயிரிழப்​பு, 100 பேர் காயம்

கர்னூல்: ஆந்திர மாநிலம் கர்னூல் மாவட்டம் தேவரகட்டா பகுதியில் நடைபெற்ற பாரம்பரிய ‘தடியடி திருவிழா’வின்போது ஏற்பட்ட மோதலில் பெண் ஒருவர் உயிரிழந்தார். நூற்றுக்கும் மேற்பட்டோர் பலத்த காயமடைந்து மருத்துவமனையில் சிகிச்சை பெற்று வருகின்றனர்.

இரு மலைவாழ் கிராம மக்களும் ஆண்டுதோறும் இரவில் ஓரிடத்​தில் கூடி, பின்னர் இரு பிரிவுகளாகப் பிரிந்து இவ்விழாவை நடத்துவர். மலைமீதுள்ள அம்மன் சிலையைத் தங்கள் கிராமத்தில் கொண்டுவந்து வைக்க இரு தரப்பும் போட்டியிடும்.

அம்​மன் சிலையை யார் கொண்​டு​போய் தங்​கள் கிராமத்தில் வைக்​கிறார்​களோ, அவர்​களின் ஊரில்​தான் அடுத்த ஆண்டு வரை அம்​மன் சிலை இருக்​கும்.

சிலையை மற்​றொரு கிராமத்​துக்​குக் கொண்டு செல்வதைத் தடுக்க கம்பு, கற்களால் தாக்கிக்கொள்வர். விடிய விடிய நடை​பெறும் இந்தத் திருவிழாவில் பெரியவர், சிறியவர், ஆண், பெண் என்ற வேறுபாடின்றி அனைவரும் கலந்துகொள்வர்.

பலத்த காவல் பாதுகாப்பு போடப்பட்டிருந்தும், இம்முறை நடைபெற்ற தாக்குதலில் பெண் ஒருவர் உயிரிழந்தார்.

காயமடைந்த நூற்றுக்கும் மேற்பட்டோர் கர்னூல் அரசு மருத்துவமனையில் சேர்க்கப்பட்டுள்ளனர்.