Tata Cars: மாஸ் காட்டிய பஞ்ச், நெக்ஸான்! விற்பனையில் புதிய ரெக்கார்டு படைத்த டாடா மோட்டார்ஸ்!

14

இந்திய ஆட்டோமொபைல் மார்க்கெட்டில் டாடா மோட்டார்ஸ் புதிய சாதனை படைத்துள்ளது. உள்நாட்டு பயணிகள் வாகன விற்பனை 2027 நிதியாண்டின் இரண்டாவது காலாண்டில் 1,96,674 யூனிட்டுகளைத் தொட்டுள்ளது. இது கடந்த ஆண்டு இதே காலகட்டத்தில் 1,40,189 கார்களாக இருந்தது. இதனை ஒப்பிடும்போது இது 40 சதவீத வளர்ச்சியாகும். இந்த வெற்றிக்கு எலக்ட்ரிக் மற்றும் சிஎன்ஜி மாடல்களுக்குக் கிடைத்த அமோக வரவேற்பே முக்கியக் காரணம் ஆகும்.

டாடாவின் மொத்த பயணிகள் வாகன விற்பனை, வெளிநாட்டு விற்பனையையும் சேர்த்து இரண்டாவது காலாண்டில் 2,01,723 யூனிட்டுகளாகப் பதிவாகியுள்ளது. இது கடந்த ஆண்டு 1,44,397 யூனிட்டுகளாக இருந்தது. இதில் வெளிநாட்டு விற்பனை 4,208-ல் இருந்து 5,049 யூனிட்டுகளாக அதிகரித்துள்ளது.

24

டாடா மோட்டார்ஸ் 2027 நிதியாண்டின் முதல் ஆறு மாதங்களில் மொத்தம் 3,76,840 பயணிகள் வாகனங்களை விற்பனை செய்துள்ளது. இது கடந்த நிதியாண்டின் இதே காலகட்டத்தில் விற்ற 2,64,028 யூனிட்டுகளோடு ஒப்பிடும்போது சுமார் 42.7 சதவீத வளர்ச்சியாகும். இந்தப் பெரிய சாதனைக்கு இரண்டாவது காலாண்டில் நடந்த ரெக்கார்டு விற்பனையே முக்கியக் காரணமாகும்.

எலெக்ட்ரிக் கார் விற்பனையில் 90% வளர்ச்சி

டாடாவின் எலெக்ட்ரிக் வாகனப் பிரிவும் விற்பனையில் அதிரடி காட்டியுள்ளது. நிறுவனம் 2027 நிதியாண்டின் இரண்டாவது காலாண்டில் 47,150 எலக்ட்ரிக் கார்களை விற்றுள்ளது. இது கடந்த ஆண்டு இதே நேரத்தில் 24,855 யூனிட்டுகளாக இருந்தது.

இதன் மூலம் ஆண்டு வளர்ச்சி 90 சதவீதமாக உயர்ந்துள்ளது. எலக்ட்ரிக் கார்கள்தான் இரண்டாவது காலாண்டின் மொத்த பயணிகள் வாகன விற்பனையில் 23 சதவீதத்தைப் பிடித்துள்ளன. சிஎன்ஜி மாடல்கள் 28 சதவீத விற்பனையைத் தக்கவைத்துள்ளன. ஆக மொத்தம், நிறுவனத்தின் மொத்த விற்பனையில் பாதிக்கும் மேல் எலக்ட்ரிக் மற்றும் சிஎன்ஜி கார்கள் மட்டுமே ஆக்கிரமித்துள்ளன.

34

அதிக கார்கள் இரண்டாவது காலாண்டில் செப்டம்பர் மாதத்தில்தான் விற்பனையாகியுள்ளன. டாடா உள்நாடு மற்றும் வெளிநாட்டு மார்க்கெட்டுகளில் சேர்த்து மொத்தம் 70,210 பயணிகள் வாகனங்களை விற்றுள்ளது. இது கடந்த ஆண்டு செப்டம்பரில் விற்ற 60,907 யூனிட்டுகளை விட அதிகமாகும். உள்நாட்டு விற்பனை 68,810 யூனிட்டுகளைத் தொட்டுள்ளது. இது கடந்த ஆண்டை விட 15 சதவீத வளர்ச்சியாகும். வெளிநாட்டு விற்பனை 1,240-ல் இருந்து 1,400 யூனிட்டுகளாக உயர்ந்துள்ளது.

எலெக்ட்ரிக் வாகன விற்பனையும் உயர்வு

டாடா செப்டம்பர் மாதத்தில் உள்நாடு மற்றும் வெளிநாடுகளில் சேர்த்து 15,384 எலெக்ட்ரிக் கார்களை விற்றுள்ளது. இது கடந்த ஆண்டு இதே மாதத்தில் விற்ற 9,191 யூனிட்டுகளோடு ஒப்பிடும்போது 67 சதவீத வளர்ச்சியாகும். செப்டம்பர் மாதத்தில் மட்டுமே இரண்டாவது காலாண்டின் மொத்த எலக்ட்ரிக் வாகன விற்பனையில் சுமார் மூன்றில் ஒரு பங்கு நடந்துள்ளது.

44

பஞ்ச் மற்றும் நெக்ஸான் கார்கள் இரண்டாவது காலாண்டில் டாடாவின் எஸ்யூவி விற்பனையில் முக்கியப் பங்கு வகித்துள்ளன. அதேநேரம், கர்வ் சீரிஸ் எக்ஸ், சியரா லெஜண்ட் சீரிஸ், ஏரிஸ் செடான் போன்ற புது மாடல்களும் நிறுவனத்தின் லைன்-அப்பில் இடம்பிடித்துள்ளன.

டாடா மோட்டார்ஸின் அடுத்த இலக்கு வாகன உற்பத்தி திறனை அதிகரிப்பது, இன்னும் பல புதிய மாடல்களை அறிமுகப்படுத்துவது மற்றும் பயணிகள் வாகன விற்பனையை மேலும் உயர்த்துவதுதான். நிறுவனத்தின் வளர்ச்சிக்கு எலக்ட்ரிக் மற்றும் சிஎன்ஜி கார்களுக்கான தேவை தொடர்ந்து அதிகரிப்பது மிகவும் கை கொடுக்கும் என்று எதிர்பார்க்கப்படுகிறது.