“தாய், தந்தை ஒரே சமூகத்தைச் சேர்ந்தவர்களாக இருக்கும்போது பிள்ளைகள் எப்படி மாறுபடுவர்..” நீதிமன்றம் கேள்வி

தென்காசி மாவட்டம், அச்சம்பட்டியை சேர்ந்த ராஜாஜி என்பவர் தனது குழந்தைக்கு தான் கோரிய சாதிச் சான்றிதழை வழங்க கடையநல்லூர் தாசில்தாருக்கு உத்தரவிடக் கோரி உயர்நீதிமன்ற மதுரை கிளையில் மனுத் தாக்கல் செய்தார். அந்த மனுவில் தனது சாதிச் சான்றிதழில் தொழுவ நாயக்கர் சாதி என்றும் எம்பிசி பிரிவு என்று இருப்பதாகவும், தனது மகனுக்கு எம்.பி.சி. சான்று வழங்க தாசில்தார் மறுப்பதாகவும் குறிப்பிட்டிருந்தார்.

இதையும் படிங்க: "கேரளாவில் வெள்ளப் பெருக்கு; சபரிமலை பயணத்தை மறுபரிசீலனை செய்க" – தமிழ்நாடு அரசு

ஆனால், தாய், தந்தை இருவரும் இந்து-தொழுவ நாயக்கர் சமூகத்தைச் சேர்ந்தவர்களாக இருக்கும்போது, ​​பிள்ளைகள் எப்படி வேறு சமூகத்தைச் சேர்ந்தவர்களாக இருக்க முடியும் என்பதை தங்களால் புரிந்துகொள்ள முடியவில்லை என்று கவலை தெரிவித்தனர். ஒரு குறிப்பிட்ட சமூகத்தைச் சேர்ந்த குழந்தைகள் தங்கள் சமூக அந்தஸ்தைப் பெற்றோரிடமிருந்து பெறுவதாகக் குறிப்பிட்ட நீதிபதிகள், மனுதாரரின் குழந்தைக்கு உடனடியாக குறிப்பிட்டபடி சான்றிதழ் வழங்குமாறு தாசில்தாருக்கு உத்தரவிட்டனர்.